- PHILIPPUS Mornaeus
- PHILIPPUS MornaeusVir tam pacis quâm belli artibus clarissimus, e Plessiaca familia. Scriptis publicis, de Ecclesia, optime meritus, inter quae Mysterium Iniquitatis: de Eucharistia, etc. qui postremus liber, linguâ vernaculâ scriptus, cum, ob styli elegantiam, per omnium volitaret manus, Theologi Pontificii periculum veriti, passim in contionibus in eum in vehebantur. Hinc cum collatione institutâ, Rege praesente ac Proceribus, David Perronius, Episcopus Ebroicensis, quaedam falso, quaedam verbis truncatis, in illo, ex Patribus et Scholiasticis allegata, a Mornaeo, contenderet, A. C. 1600. hic sibi a Perronio editionibus castratis ac mutatis impositum conquestus, libellô editô causam defendit. Henrico IV. Regi, a quo Salmurio Praefectus datus, carissimus fuit. Vide Thuan. Hist. l. 23. Petr. Matth. in Henr. 4. Isaac. Casaubonum in Epist. etc.
Hofmann J. Lexicon universale. 1698.